კრემლი, რომელიც არასოდეს გამოირჩეოდა საზოგადოებასთან ურთიერთობების საკითხების ღრმა ცოდნით, პირველად იღებს დახმარებას უცხოელი PR - კონსულტანტებისაგან, რაც აიხსნება ?დიდი რვიანის? (G8) თავმჯდომარეობის პერიოდში რუსეთის იმიჯის გაუმჯობესების სურვილით.რუსეთის პრეზიდენტის ადმინისტრაციამ გააფორმა მრავალმილიონიანი კონტრაქტი ამერიკულ კომპანია Ketchum - თან, რომელიც შეიმუშევებს რეკომენდაციებს დასავლურ მასმედიასთან ურთიერთობის მოსაწესრიგებლად. კონტრაქტით გათვალისწინებულ 12 თვიან პერიოდს დაემთხვევა ივლისში დაგეგმილი G8 - ის სამიტი სანკტ - პეტერბურგში.

კრემლი შეემატა Ketchum - ის კლინტთა სიას, რომელშიც შედიან IBM, Kodak, FedEx და დავოსის საერთაშორისო ეკონომიკური ფორუმი. სამუშაოს შესრულებას კოორდინაციას გაუწევენ Ketchum - ის ვაშინგტონის ოფისი და ბრუსელში დარეგისტრირებული კომპანია GPlus Europe, რომელიც დაარსებულია ევროკომისიის ორი ყოფილი პრესმდივნის ? პიტერ გილფორდისა და ნაიჯელ გარდნერის მიერ. მათ დაუსახეს სრულიად უპრეცედენტო მიზანი: G8- ში რუსეთის როლის აღიარების უზრუნველყოფა პუტინის მმართველობის პერიოდში დემოკრატიის დამარცხებისა და ენერგორესურსების პოლიტიკურ იარაღად გამოყენების ფაქტების ფონზე. G8- ში რუსეთის თავმჯდომარეობაზე უარყოფითად აისახა კონფლიქტი უკრაინასა და ?გაზპრომს? შორის ბუნებრივი აირის საფასურზე აზრთა სხვადასხვაობის გამო. სენატორმა ჯონ მაკკეინმა მკაცრად გააკრიტიკა პუტინი ავტორიტარული ტენდენციების გამო და ჯორჯ ბუშს პეტერბურგის სამიტის ბოიკოტირებისაკენ მოუწოდა. პუტინის პრესმდივნის მოადგილის დიმიტრი პესკოვის განმარტებით კი, ჯერ კიდევ ბევრი რამ არის გასაკეთებელი კრემლის არაერთი მაღალჩინოსნის Ketchum - თან თანამშრომლობის აუცილებლობაში დასარწმუნებლად.

ინფორმაციის წყარო: ?Financial Times?, ავტორი: ნილ ბაკლი
მოამზადა: გიორგი სელიმაშვილი, კორესპონდენტი, PRGUIDE.GE