”ჯეპრა” და გაუ - თბილისის პიარ სკოლა, საქართველოში პიარის პოპულარიზაციის მიზნით აცხადებს მედია - კონკურსს, რომელიც გამოავლენს პიარის თემაზე მომზადებულ საუკეთესო მედია პროდუქციას (სტატია, სიუჟეტი, ნიუსი და სხვა). კონკურსში მონაწილეობის მიღება შეუძლიათ საქართველოში მოღვაწე ყველა ჟურნალისტს. დაინტერესებულმა პირებმა მიმდინარე წლის 5 აპრილამდე ”ჯეპრაში” უნდა წარმოადგინონ მედია საშუალებაში გამოქვეყნებული საკუთარი ნამუშევრის ასლი მხოლოდ ელექტრონული ფოსტის მეშვეობით შემდეგ მისამართზე: info@prschool.ge

კონკურსში გამარჯვებული ორი ჟურნალისტი უფასოდ ისწავლის გაუ - თბილისი პიარ სკოლის აპრილის ინტეგრირებული მარკეტინგული კომუნიკაციების 3 თვიან სასწავლო კურსზე. გაუ - თბილისის პიარ სკოლამ ფუნქციონირება დაიწყო 2007 წლის აპრილიდან. სკოლის დამფუძნებლები არიან ქართულ-ამერიკული უნივერსიტეტი, ”ჯეპრა” და მაია ძირკველიშვილი. დამატებითი ინფორმაციისთვის დაუკავშირდით: ”ჯეპრა” - პიარი და მარკეტინგული კომუნიკაციები, მის: თბილისი, გრიბოედოვის 12, ტელ/ფაქსი: 995452, 988344, www.prschool.ge