PRGUIDE.GE: Article / PR საქმიანობის განხორციელების ტიპიური მოდელი

PR საქმიანობის განხორციელების ტიპიური მოდელი

PR საქმიანობის განხორციელების ტიპიური მოდელი

PR-ის პრაქტიკული საქმიანობა შეიძლება დაიყოს სამ ძირითად მიმართულებად: - კეთილგანწყობის მისაღწევად აუცილებელი ნაბიჯების გადადგმა: ეს მიმართულება გულისხმობს ისეთი კეთილსასურველი ურთიერთობების ჩამოყალიბებას საზოგადოებასა და ორგანიზაციას შორის, რომელიც ხელს შეუწყობს ორგანიზაციის საქმიანობის გაფართოებასა და ეფექტურ მუშაობას. - მოქმედებები რეპუტაციის შესანარჩუნებლად: ასევე აუცილებელია ორგანიზაციაში არსებული ისეთი პრაქტიკის და წესების აღმოფხვრა, რომელსაც შეუძლია უარყოფითი გავლენა იქონიოს საზოგადოებრივ აზრზე. - შიდაორგანიზაციული ურთიერთკავშირი: ეს მიმართულება გულისხმობს ისეთი PR მეთოდების გამოყენებას ორგანიზაციის შიგნით, რომელიც ხელს შეუწყობს თანამშრომლების ინტერესების შესაბამისობაში მოყვანას ადმინისტრაციის ინტერესებთან და ამით ხელს შეუწყობს საქმიანი და მეგობრული კლიმატის შექმნას ორგანიზაციის შიგნით. თუმცა PR-ის ამ სამი ძირითადი მეთოდის და მიმართულებების გამოყენების გარდა, არსებობს სხვა ბევრი დამატებითი გზები და მეთოდები. PR-ის ტიპიური საქმიანობის განხორციელება შეიძლება დაიყოს ოთხ განსხვავებულ, მაგრამ ურთიერთდაკავშირებულ ნაწილად: 1. ანალიზი, კვლევა და პრობლემის ფორმულირება 2. სამოქმედო პროგრამის და ბიუჯეტის შემუშავება 3. პროგრამის კოორდინაცია და შესრულება 4. შედეგების კონტროლი, შეფასებების გაკეთება და შესაძლო ცვლილებების შეტანა ხანდახან, ამ ნაწილებს ეძახიან რეის სისტემას. ("რეის" მომდინარეობს ინგლისური სიტყვა RACE: Research - კვლევა, Action- მოქმედება, Communication- ურთიერთობა, Evaluation - შეფასება).